Një nga bashkëpunëtorët e ngushtë të Alexei Navalny, Leonid Volkov, është sulmuar me çekiç, dje të martën, jashtë shtëpisë së tij në Vilnius të Lituanisë, njoftoi ish-përfaqësuesja e liderit të ndjerë të opozitës ruse, Kira Yarmish.
“Volkov sapo u sulmua jashtë shtëpisë së tij. Dikush theu xhamin e makinës dhe e spërkati në sy, para se të fillonte ta rrihte Leonidin me çekiç”, ka shkruar ajo në një postim në platformën e rrjetit social X (ish Twitter).
Lexo edhe :
Related Posts
Volkov kishte akuzuar drejtpërdrejt presidentin rus Vladimir Putin se ishte përgjegjës për vdekjen e Navalny në burg më 16 shkurt.
Policia lituaneze tha se ishte informuar se një burrë ishte rrahur jashtë shtëpisë së tij dhe shtoi se ata po hetonin rastin.
Shumë anëtarë të Fondacionit Kundër Korrupsionit të themeluar nga Alexei Navalny janë larguar nga Rusia dhe janë vendosur në Lituani, një anëtare e Bashkimit Evropian dhe NATO-s. /vizionplus.tv
