Komisioni Evropian reagoi pas padisë së dorëzuar në SPAK nga Aleanca për Mbrojtjen e Teatrit për ambasadorin e BE-së, Luigi Soreca. Zëdhënësi për Punët e Jashtme, Peter Stano tha se akuzat që po hidhen ndaj diplomatit janë shpifje.
“Ka një fushatë kundër ambasadorit të Bashkimit Europian, Luigi Soreca dhe duhet të theksojë se deklaratat e Aleancës për Mbrojtjen e Teatrit kundër Sorecës janë të pabazuara dhe shpifje. Liderët e Brukselit kanë besim të plotë te Soreca dhe ka mbështetjen maksimale nga ne për punën e mirë që ka bërë për interesin e BE-së, për marrëdhënien e Shqipërisë me BE dhe për interesin e marrëdhënieve të shqiptarëve. Ne vijojmë që të mbështesim reformën në drejtësi dhe ftojmë të gjithë aktorët që të mbështesin implementimin e kësaj reforme.”
Aleanca për Mbrojtjen e Teatrit hodhi akuza ndaj Sorecës se ka ndërhyrë në vendimet e Gjykatës Kushtetuese për Teatrin Kombëtar. AMT kërkon zbardhjen e një takimi që sipas saj, ambasadori ka patur me kryetaren e Gjykatës Kushtetuese, një ditë para se të dilte vendimi për çështjen e Teatrit Kombëtar.
