Kreu i Partisë Drejtësi Integrim dhe Unitet, z. Shpëtim Idrizi, i ftuar në Spotlight nga Alban Dudushi, ndër të tjera ka folur edhe për aleancën e PD-së me PBDNJ-në. Idrizi u shpreh se nuk është në mundësitë e tij të ndalonte forcat politike për një koalicion me PBDNJ-në, por sipas tij tashmë halli i tij është “Dule” i madh duke iu referuar kryeministrit Rama.
“Nuk është në tagrin dhe mundësitë e mia që t’i thoja forcave politike shqiptare mos bëni koalicion me PBDNJ-në. S’kam forcë për t’ju imponuar për këtë gjë. Por, nuk kemi asnjë lidhje me Dulen e vogël, kemi hallin e “Dules” së madh, i cili është Rama që ka pas mundësinë dhe ka bërë shumë lëshime dhe pothuajse ka kryer gjithë axhendën greke karshi Shqipërisë dhe asnjë hap për axhendën shqiptare.”
