Subscribe

Skuadra kuqezi vijon të prodhojë suksese në kampionatin botëror të Boksit që po zhvillohet në Beograd të Serbisë.

 

Sportisti kuqezi Alban Beqiri është kualifikuar në 16 boksierët më të mirë, duke regjistruar kështu një rezultat historik për Shqipërinë.

 

Pas triumfit ne fazën e parë ndaj boksierit nga Kenia , Sportisti i Tiranës regjistroi fitoren e dytë, duke  mundur një nga boksierët më të fortë nga Lituania, Saimonas Baniz.

 

Një përballje e bukur dhe e luftuar nga të dy por në fund vendimi i gjyqtarëve ishte unanim.

 

Beqiri triumfoi me rezultatin 5-0 me pikë, pra, të pestë vendosën që Beqiri meritonte të vazhdonte garën me tej.

 

Në këtë mënyrë boksieri kuqezi kualifikohet në fazën e tretë të këtij aktiviteti, ku do të përballet me boksierin nga Panamaja Eduardo Bekfordin të dielën.

Leave a Reply

Your email address will not be published.