Alarm në SHBA dhe Britani për një marrëveshje të mundshme bërthamore Iran-Rusi

Britania dhe SHBA druhen se Rusia ka ndarë sekretet e teknologjisë bërthamore me Iranin në këmbim të raketave balistike që mori për të bombarduar Ukrainën.

Gjatë takimit të tyre në Uashington, Keir Starmer dhe Joe Biden pranuan se të dy vendet kanë zhvilluar bashkëpunim të ngushtë ushtarak në një kohë kur Irani është në procesin e pasurimit të uraniumit me qëllimin përfundimtar të ndërtimit të një bombe bërthamore.

Të dy burrat po takohen në Shtëpinë e Bardhë ndërsa Vladimir Putin paralajmëron NATO-n të mos lejojë Ukrainën të godasë tokën ruse me raketa perëndimore me rreze të gjatë.

Presidenti rus tha dje se nëse Perëndimi i jep dritën jeshile Ukrainës që të synojë Rusinë me raketa perëndimore, atëherë kjo do të thotë se vendet e NATO-s janë në luftë drejtpërdrejt me Moskën. Një veprim i tillë, tha presidenti rus, do të ndryshonte natyrën dhe shtrirjen e konfliktit./vizionplus.tv