Ushtria polake njoftoi sot se kishte ngritur në ajër avionë luftarakë për shkak të një sulmi “intensiv” rus në Ukrainën perëndimore.
“Për shkak të sulmit intensiv ajror të Federatës Ruse kundër territorit të Ukrainës, avionët polakë dhe aleatë filluan të operonin në hapësirën ajrore polake në mëngjes”, shkroi shtabi i përgjithshëm i ushtrisë polake në një letër drejtuar shtypit.
🇵🇱 Polish and allied aircraft were activated early on Monday to ensure the safety of Polish airspace after #Russia launched air strikes targeting western #Ukraine, near the border with Poland.https://t.co/vs47sQW0Mz#RussiaUkraineWar #UkraineWar
— Russia-Ukraine Daily News (@rvps2001) June 9, 2025
“Avionët luftarakë u ngritën në çifte dhe sistemet e mbrojtjes ajrore tokësore dhe të zbulimit me radar u vunë në gatishmëri të lartë”, shtoi ai.
Një mobilizim i tillë është i zakonshëm kur raketat ose dronët rusë godasin zona në Ukrainën perëndimore, e cila kufizohet me Poloninë, një vend anëtar të NATO-s .
“Dhjetëra” dronë dhe raketa ruse u rrëzuan gjatë natës në rajonin Rivne të Ukrainës perëndimore, tha kryebashkiaku i qytetit Oleksandr Tretyak në Telegram.
Sipas guvernatorit rajonal Oleksandr Koval, Rivne pati “një natë shumë të vështirë” për shkak të “sulmeve masive ajrore të armikut”, të cilat plagosën të paktën një civil.
Kievi u shënjestrua gjithashtu nga një sulm rus, duke rezultuar në dëmtime të një pallati apartamentesh, theksoi kreu i autoriteteve të qytetit, Timur Tkachenko.
