60 pula të oborrit ngordhën brenda një nate në fshatin Guri i Gomares në Bashkinë Divjakë.
Kontigjeni me shpendë i përkiste Mirsida Sinanit. Ajo tregon se pavarësisht se kishte marrë mjekime në farmacitë veterinare, pulat nuk shpëtuan
MIRSIDA SINANI
BANORE E FSHATIT GURI I GOMARES
Asnjë pulë s’ka mbetur. Të gjitha kanë ngordhur. E kishin mishin blu. Si kjo bluza ime.
Rasti u monitorua nga autoritetet. Nga verifikimet paraprake dhe pasi mori mostra për analiza, vaksinatori Ardian Kaja ngriti dyshime për infeksion dhe jo grip shpendësh.
ARDIAN KAJA
VETERINER, DIVJAKE
I ka kapur infeksioni.Nuk është alarmante tani për tani, pasi nuk kemi një sinjalizim që të jetë gripi i shpendëve. Unë si veteriner nuk jap sinjalizime për grip shpendësh por infeksion.
Kontrollet e pulave të oborrit kanë nisur edhe ne qytete të tjera të vendit pas përhapjes së virusit në disa pulari në Durrës.
