Sekretari i Përgjthshëm i PD, Gazment Bardhi i është përgjigjur akuzave për listat e delegatëve që do të marrin pjesë në Kuvedin e 18 dhjetorit, të cilët ai bëri publik pak më herët.

 

Në një konferencë për mediat, Bardhi u  ka quajtur shpifje, ndërsa thekson se ata që kanë hedhur akuza po bëjnë fushatë manipulimi të opinionit publik. Ai bën thirrje të mos përdoren demokratët si mish për top për interesat personale të askujt.

 

“Komunikimi i detyruar në kërë orë të vonë për shkak se prej më shumë se dy orësh ka nisur fushatë manipulimi të opinionit publik për transparencën e plotë që sot PD ka bërë për procesin e pergatitjes së Kuvendit të datën 18 dhjetor duke bërë publik emër për emër 5295 emrat e delegatëve. Mbështetës të Berishës po vijojnë të njëjtën strategji, t’i përdorin demokratët si mish për top.

 

Sqarova të vetmin lapsus gjatë leximit të emrave. Vendosa në dispozicion formularin. Do të duhet ta ndalin atë gënjeshtër sepse formulari është këtu dhe të thuash një gënjeshtër për të dëmtuar interesin e PD, kryen vepër penale te shpifjes. Ndaluni së përdoruri demokratët si mish për top për interesat personale të askujt”, tha Bardhi.

Leave a Reply

Your email address will not be published. Required fields are marked *