Aktori amerikan Peter Greene, i njohur për portretizimet e tij si antagonist në filma klasikë të viteve ’90, përfshirë Pulp Fiction dhe The Mask, ka ndërruar jetë në moshën 60-vjeçare. Ai u gjet pa shenja jete në apartamentin e tij në New York, ndërsa shkaku i vdekjes nuk është përcaktuar ende.
Policia nuk dyshon për veprim kriminal.
Greene fitoi Çmimin e Aktorit më të Mirë në Festivalin Ndërkombëtar të Filmit të Taorminës në 1994 për rolin e tij në Clean, Shaven. Ai më pas interpretoi figura negative në filma si The Usual Suspects, Under Siege 2 dhe The Mask, ku luante mafiozin Dorian Tyrell. Roli i tij si Zed në Pulp Fiction mbetet ndër më të paharrueshmit të karrierës së tij.
Menaxheri i Greene, Gregg Edwards, e përshkroi aktorin si “një nga aktorët e mëdhenj të gjeneratës së tij” dhe një person me zemër të madhe.
/vizionplus.tv
