Kryetarja e Inspektoratit Kombëtar të Mbrojtjes se Territorit, Dallëndyshe Bici ka shkarkuar këtë të premte nga detyra 4 inspektorë të degës IKMT në Vlorë.
Vendimi për shkarkimin e tyre nga detyra është bërë, pas shfaqjes në media të një regjistrimi ku përfshiheshin edhe inspektorët e IKMT në biseda të dyshimta me poseduesit e objekteve të prishura gjatë aksionit të fundit në Jalë.
Të sharkuarit janë inspektorët Jurian Mina,Alesio Haxhiraj,Olti Shabani, si dhe Vilson Lalaj – Përgjegjës sektori i Degës IKMT Vlorë.
Gjatë një mbledhje urgjente në inspektoriat Bici është shprehur se “asnjë dhe asgjë nuk do të mund të njollosë punën tonë plot saktifica, rreziqe dhe pengesa në shërbim të komunitetit dhe ligjit”.
Gjithashtu ajo falënderoi mediat dhe shprehu vendosmërinë se cilido që tejkalon kompetencat e tij, shkel ligjet, apo kërkon të shfrytëzojë sadopak punën e shtetit shqiptar, do të përballet me drejtësinë.
