Një aksident automobilistik me pasojë plagosjen e një të moshuari ka ndodhur të mërkurën pasdite në dalje të qytetit të Korçës.
Drejtuesi i mjetit që shkaktoi këtë aksident tentoi të fshihej duke u larguar nga vendngjarja por u identifikua nga policia që bëri ndalimin e tij. Aksidenti u regjistrua rreth orës 15:30, në dalje të qytetit, para se të fillojë supestrada Korçë-Pogradec.
Një automjet tip ‘Fiat’ ka aksidentuar shtetasin J.P, rreth 77 vjeç, banues në Korçë, i cili po lëvizte në rrugë me biçikletë. Policia tha se drejtusi mjetit me inicialet B. J më pas është larguar nga vendngjarja por u identifikua dhe u shoqërua në komisariat.
Shtetasi J.P, u dërgua në Spitalin e Korçës, ku ndodhet nën kujdesin intensiv të mjekëve. Sipas burimeve spitalore, gjendja e të moshuarit të aksidentuar paraqitet e rëndë, me trajtim të tij në repartin e reaminacionit. Grupi hetimor po verifikon më tej rethanat e aksidentit, për të cilin ende nuk dihen pasojat në jetën e 77 vjeçarit.
