Policia arrestoi këtë të diel shoferin 37-vjeçar që u përfshi në një aksident të rëndë një ditë më parë në Rrogozhinë.
Shtetasi me inicialet E. L. u përplas me dy mjete të tjera dhe për pasojë humbën jetën dy drejtuesit e tyre, 59 dhe 58 vjeç, si edhe një pasagjere 44 vjeçe.
Nga aksidenti u plagos rëndë edhe një 10-vjeçare, që ndodhet në spital nën kujdesin e mjekëve, raporton “Vizion Plus”.
