Një person ka ngelur i plagosur në një aksident që ka ndodhur mëngjesin e kësaj së dielës në Tiranë.
Bëhet me dije se një kalimtar është hedhur në anën tjetër të rrugës nga përplasja me mjetin tip Ford Fiesta. Ngjarja ka ndodhur në afërsi të urës tek Pallati me Shigjeta.
I plagosuri është shoqëruar me ambulancë për në spital, për të marrë mjekimet e nevojshme. Ndërkohë policia e ndodhur në vendngjarje ka shoqëruar shoferin e makinës për në komisariat për hetime të mëtejshme.
