Aksident në Lezhë/ Makina përplas këmbësorin dhe largohet nga vendngjarja

Një aksident është shënuar mbrëmjen e sotme në Tale të Lezhës, ku një person ka mbetur i plagosur.

Burime për Vizion Plus bëjnë me dije se qytetari dyshohet të jetë plagosur nga një automjet, i cili është larguar nga vendi i ngjarjes.

I plagosuri është shurdh-memec dhe po merr mjekim në spitalin e Lezhës. Ende nuk dihen rrethanat, ndërsa policia po punon për identifikimin dhe kapjen e autorit.