Aksident me një të plagosur rëndë në aksin rrugor Kamenicë-Korçë.
Ngjarja ka ndodhur në kryqëzimin e fshatit Dvoran, ku një drejtues motociklete është përplasur në dalje të këtij kryqëzimi me një furgon mallrash.
Burime bëjnë me dije se drejtuesi i motocikletës ka qënë duke dalë nga rruga dytësore e fshatit Dvoran në rrugën nacionale dhe nga shpejtësia e madhe e ka pasur të pamundur të shmangë përplasjen me furgonin që po lëvizte në korsinë e tij, në drejtim të Kamenicës.
Përplasja ka ardhur në kushtet kur drejtuesi i mjetit ka ndaluar plotësisht në krahun e tij furgonin e mallrave.
Burime spitalore thanë se gjendja e drejtuesit të motocikletës është e rëndë por jashtë rezikut për jetën. Policia e qarkullimit rrugor po heton për shkaqet e aksidentit ndërkohë që duhet thënë se në këtë kryqëzim ka pasur edhe aksidente të tjera.
Drejtuesi i furgonit të mallrave është shoqëruar në polici për tu pyetur për rrethanat e aksidentit.