Dy turistë izrealit janë plagosur këtë të premte si pasojë e një aksidenti rrugor të ndodhur në Elbasan.
Sipas policisë në aksident janë përfshirë dy makina dhe një motor, dhe për pasojë është plagosur drejtuesi I motorit dhe pasagjerja që ndodhej me të të dy shtetas izrealit.
Informacionet bëjnë me dije se një mjet tip “Toyota” me drejtues shtetasin me iniciale F. P., është përplasur me mjetin tip “Audi”, me drejtues shtetasin me iniciale B.U., të dy banues në Elbasan.
Në përplasje është përfshirë dhe motoçikleta tip “Honda” që drejtohej nga shtetasi izraelit me iniciale N.S.
Si pasojë e aksidentit u plagosën drejtuesi i motorit dhe pasagjerja izraelite me iniciale M.N. Dy turistët fillimisht u dërguan në spitalin e Elbasanit dhe më pas u transportuan drejt spitalit të Traumës, në gjendje të rëndë shëndetësore.
