Një aksident rrugor ka ndodhur pasditen e sotme ne aksin Lin–Pogradec, ku një automjet ka humbur kontrollin dhe është përplasur me trafikndarësit, duke dalë më pas në korsinë e biçikletave.
Fatmirësisht, nuk raportohet për persona të lënduar. Drejtuesi i mjetit, i cili udhëtonte i vetëm, është dërguar në spital për kontroll mjekësor dhe ndodhet jashtë rrezikut për jetën.
Sipas të dhënave paraprake, dyshohet se shkak i aksidentit ka qenë lagështia në rrugë dhe humbja e kontrollit të mjetit. Ngjarja ka shkaktuar dëme të konsiderueshme materiale.
Në vendngjarje ndodhet grupi hetimor, i cili po punon për zbardhjen e plotë të rrethanave të aksidentit.
