Aksident i trefishtë në Fushë-Krujë, plagosen 2 persona

Një aksident me plagosjen e dy personave u regjistrua mesditën e kësaj të premteje në rrugën nacionale Fushë Krujë – Durrës.

Në aksident u përfshinë tre automjete, ndërsa u plagosën dy prej drejtuesve, të cilët u transportuan me urgjencë drejt Tiranës.

Shkak i aksidentit dyshohet të ketë qenë shpejtësia tej normave te lejuara e njerit prej automjeteve dhe tentativa për një parakalim.

Ndërkohë grupi hetimor ka shkuar në vendngjarje dhe po punon për zbardhjen e shkaqeve të aksidentit.