Aksident i trefishtë në aksin Lezhë-Shëngjin/ Plagosen dy shoferë

Një aksident rrugor u shënua në aksin rrugor Lezhë-Shëngjin mbrëmjen e kësaj të hëne.

Në aksident u përfshinë tre automjete dhe për pasojë dy drejtues kanë mbetur të plagosur dhe janë dërguar për në Spitalin Rajonal të Lezhës.

Policia në vendngjarje po heton për shkaqet e këtij aksidenti të trefishtë! Momentalisht gjendja e të dëmtuarve paraqitet jashtë rrezikut për jetën.