Fadroma përplas 60-vjeçarin, humb jetën drejtuesi i trajlerit në Aeroportin e Vlorës

Një 60-vjeçar humbi jetën në një aksident të shënuar në orët e vona të së premtes në kantierin e aeroportit të Vlorës.

Viktima është identifikuar si Nusret Xhoka, i cili punonte me trajler në aeroport. Ai u përplas nga një fadromë, që drejtohej nga Rrahman Sllaniku.

Ky i fundit humbi drejtimin e mjetit dhe aksidentoi 60-vjeçarin sapo zbriti nga trajleri.

Përplasja ishte fatale dhe Nusret Xhoka ndërroi jetë menjëherë në vendngjarje.

Drejtuesi i fadromës që shkaktoi aksidentin, Rrahman Sllaniku, u arrestua nga policia pas ngjarjes./vizionplus.tv