Reshjet e borës kanë shkaktuar probleme në qarkullimin e mjeteve në rrugën nacionale Klos-Bulqizë.
Ndonëse sasia e borës e rënë një ditë më parë në këtë aks nuk ishte shumë e madhe, prania e ngricave gjatë natës dhe orëve të para të ditës së sotme ka krijuar probleme.
Në afërsi të vendit të quajtur “Qafë Dushk”, katër automjete u përplasën me njëra-tjetrën për shkak të ngricës në asfalt. Për fat të mirë nuk pati të lënduar në njerëz, por vetëm dëme materiale.
