Akordoi penallti në fundin e takimit, tifozët e Kamzës dhunojnë arbitrin

Një fund I hidhur por edhe I trishtueshëm ai I ndeshjes së Superligës mes Kamzës dhe Laçit, e cila u mbull në barazim 1 me 1.

Një penallti e akorduar në fundin e takimit nga gjyqtari kryesor Eldorian Hamiti për ekipin e Laçit solli pakënaqësi në radhët e tifozëve vendas, të cilët kapërcyen hekurat dhe dhunuan arbitrin.

Një episod i pakënshëm që solli sërish problematikat e Superligës.

Pjesa e parë mes dy ekipeve u mbyll me rrjeta të paprekura, por me fillimin e të dytës ishin vendasit që gjetën golin në minutën e 57’ të takimit me kapitenin Plaku.

Por kur dukej se gjithçka po shkonte mirë për Kamzën, një ndërhyrje e portierit të vendasve në fundin e takimit bëri që gjyqtari ta konceptonte si faull dhe të akordonte një 11 metërsh.

Najdenov goditi saktë nga pika e bardhë, ndërsa festa e laçianëve për shpëtimin nga humbja u shoqërua me revoltën e tifozëve vendas që zbritën në fushë për të dhunuar arbitrin kryesor.