Emocione, surpriza dhe talente që tejkalojnë çdo pritshmëri, kjo është ajo që pritet sonte në natën e fundit të audicioneve përzgjedhëse të spektaklit më të madh të zbulimit të talenteve në vend, “Albania’s Got Talent”, në ekranin e Vizion Plus.
Për disa javë me radhë, skena e spektaklit është kthyer në një pikëtakim të ëndrrave, ku dhjetëra konkurrentë nga gjithë Shqipëria e më gjerë kanë sjellë performanca që kanë emocionuar publikun dhe jurinë.
Katër anëtarët e saj, Agron Llakaj, Adelina Ismajli, Elsa Lila dhe Kastro Zizo që do të duhet të përzgjedhin për herë të fundit edhe këtë mbrëmje të shtatë mes më të talentuarve për të vijuar rrugëtimin drejt netëve gjysmëfinale.
Tashmë edhe katërshja e përzgjedhur përmes butonit të artë të jurisë do të presw me padurim se cilët do të jenë konkurrentët që do t’u bashkohen në netët gjysmëfinale.
Sonte është mundësia e fundit ku talentet do të kenë shansin e tyre të artë për të bindur jurinë dhe për të siguruar vendin në fazën tjetër të garës, aty ku emocionet rriten dhe konkurrenca bëhet edhe më e fortë.
“Albania’s Got Talent” vjen këtë të hënë me një puntatë që premton të jetë kulmi i emocioneve të fazës së audicioneve, në orën 21.00.
