I dërguari i Brukselit për dialogun mes Kosovës dhe Serbisë është shprehur optimist se brenda gjashtë muajve do të arrihet një marrëveshje e qëndrueshme për cështjen e targave.
Në një postim në rrjetin social twitter, Lajcak gjithashtu bën të ditur se grupet e ekspertëve nga Kosova e Serbia do të takohen rregullisht me këshilltarët e caktuar nga Bashkimi Evropian, deri në arritjen e një zgjidhjeje konkrete.
Delegacionet e ekspertëve sot zhvilluan takimin e parë mes tyre bazuar në marrëveshjen e arritur më 30 shtator.
Aktualisht, si pjesë e zgjidhjes së përkohëshme, pjesët e targave ku janë simbolet shtetërore, mbulohen me letër ngjitëse dhe kjo vlen për të dyja vendet.
