Mirësevini ne Aeroportin Kristiano Ronaldo! Duke nisur nga data 29 mars, të gjithë pasagjerët që udhëtojnë nëpërmjet Funchalit ne Portugali do te mësohen te dëgjojnë ne sfond ketë urim nga altoparlantët e aeroportit. Autoritetet lokale kane vendosur qe aeroporti i Funchalit ne ishullin e Madeiras, të mbajë emrin e 4 herë fituesit e Topit të Artë i cili ka lindur në këtë rajon.
Vetë ylli i futbollit botëror pritet te jetë i pranishëm këtë të mërkurë në ceremoninë inauguruese për shkak edhe të qenies në Funchal si pasojë e sfidës miqësore te kampioneve te Evropës kundër Suedisë. Vendimi për ti vene emrin e aeroportit, pikërisht Kristiano Ronaldo ka shkaktuar një debat të madh në Portugali.
Ish sekretari portugez I shtetit Francisco Seixas Da Costa e quajti vendimin ne kufijtë e qesharakes ndërsa qeveria portugeze kundërshtoi marrjen e vendimet nga autoritetet rajonale pa u konsultuar. Protesta dhe kritikat kanë qenë të shumta në rrjetet sociale edhe ne kryeqytetin e Madeiras, Funchal ku po mblidhen mijëra firma për ti kërkuar parlamentit portugez të anuloje këtë vendim. Në vendlindjen e tij Ronaldo ka marrë nderime pa fund pasi ne Funchal 32 vjecari ka një muze dhe një statuje bronzi.
