Gjatë prezantimit të tij para Këshillit të Lartë të Prokurorisë, kandidati për drejtues të SPAK, Adnan Xholi, u ndal tek sfida kryesore që, sipas tij, kërkon zgjidhje urgjente: statusi i prokurorëve të Strukturës së Posaçme. Ai theksoi se pavarësisht përpjekjeve të drejtueseve aktualë, ky problem vijon të mbetet i pazgjidhur, duke rrezikuar edhe humbjen e eksperiencës së prokurorëve që kanë hetuar çështjet më të ndjeshme të viteve të fundit. Në këtë kontekst, Xholi shpjegoi se cilat do të jenë prioritetet e tij nëse merr votëbesimin e KLP-së.
Xholi: Cila është sfida nëse unë do marr pëlqim tuaj. Ka të bëjë me dhënien zgjidhje të statusit të prokurorëve. Drejtuesit aktual kanë bërë përpjeket e tyre maksimale që të rregullohet statusi i prokrurorëve por deri tani ka ngelur në vesh të shurdhër. Do insistoj bashkë me ju dhe me partnerët ndërkombëtarë që statusi i prokurorvë të prokurorisë së posaçme të marrë zgjidhje. Bëhet fjalë për kolegët e tjerë, që vijnë nga prokurori të nivelit të shkallëve të para. Disa prokurori janë të shkrira. Nuk ka prokurorë të pazëvendësueshëm, as ne nuk jemi, por eksperienca që kanë fituar këta prokurorë do humbasë. Këta prokurorë janë përballur me grupet me të rrezikshme kriminale apo me zyrtarë të lartë dhe do lihen në mëshirë të fatit në ato zyra ku do shkojnë. Do duhet që t’i gjendemi pranë. Do kërkoj shtimin e prokurorëve pranë SPAK. Është e pamundur që 24 orë që ka dita dhe nata është pamundur t’i përballojnë gjithë ato dosje. Të shtohen ekspertët. Ekspertë të fushave kontabël, kripovalutave me qëllim që ti godasim në kohë reale këto grupe kriminale
