Presidenti palestinez, Mahmoud Abbas u shpreh sot se aspiron që takimet e fundit me administratën amerikane të Donald Trump të finalizohen me vendosjen e paqes mes izraelitëve dhe palestinezëve.
“Trump i ka telefonuar presidentit palestinez më 10 mars duke e ftuar në Shtëpinë e Bardhë. Ne do të përcaktojmë datën e takimit brenda një kohe mjaft të shkurtër”, pohoi sot Abbas gjatë një konference shtypi në Mouqataa, kompleksi presidencial palestinez në Cisjordani, e pushtuar nga Izraeli.
Abbas përgëzoi faktin e vizitës së fundit në Ramallah të disa zyrtarëve amerikanë, duke përfshirë Mike Pompeo, kreun e CIA, në mesin e muajit shkurt, më pas Jason Greenblatt, përfaqësues special i Trump i ngarkuar për negociatat ndërkombëtare.
