Eksperti i sigurisë, Faik Basha, deklaroi në studion e emisionit Quo Vadis se ekziston gjithmonë një rrezik i mundshëm për akte terroriste, megjithatë për Shqipërinë ky rrezik mbetet shumë i ulët.
Ai theksoi se Shtetet e Bashkuara të Amerikës e kanë pasur gjithmonë thelbësore luftën kundër terrorizmit dhe se mekanizmat e sigurisë janë të fokusuar pikërisht në parandalimin e këtyre kërcënimeve.
Megjithatë, sipas Bashës, situata aktuale në Iran është e vështirë dhe strukturat e tij po përballen me probleme koordinimi.
Në përfundim, eksperti i sigurisë vlerësoi se rreziku jo vetëm për Shqipërinë, por edhe në nivel global, mbetet aktualisht shumë i ulët.
“Irani ka pasur tendencën që zhvillimet e problemeve t’i zhvendosë jashtë territorit të tij. Është bërë një monitorim i rreptë i gjithë aktivitetit të Iranit. A ekziston një rrezik i mundshëm për të pasur një akt terrorist? Sigurisht që po. Është një rrezik që nuk është i shmangshëm. SHBA luftën kundër terrorizmit e kanë pasur thelbësore. Mbase për Shqipërinë është një rrezik shumë i vogël, për mos të thënë zero.
Në këtë situatë që është sot Irani, është shumë e vështirë, pasi nuk po arrijnë dot të koordinohen me njëri-tjetrin. I kanë burimet shumë të ulëta në këto momente. Nuk është ai rrezik në Shqipëri, jo që jo, por edhe në botë është shumë i ulët”, tha Basha.
/vizionplus.tv
