Gjykata e Posaçme e Apelit (GJKKO) vendosi që të shtyjë për ditën e mërkurën në orën 12:30 vendimin për kryebashkiakun e Tiranës Erion Veliaj, pasi avokatët kanë kërkuar që të njohen me provat e reja të paraqitur nga prokurorët e SPAK.
I ftuar në studion e Quo Vadis të moderatores Pranvera Borakaj në Vizion Plus, ish-Prokurori, Ervin Karanxha, tha se i qendron mendimit që masa me burg ndaj Veliajt është e rëndë dhe se ndaj tij duhet të ishte dhënë një masë më lehtësuese.
I pyetur nga moderatorja Borakaj se a mund ta rëndojnë pozitën e Veliajt provat e reja edhe nëse bëhet fjalë për përgjime ambientale, Karanxha tha se si fillim duhen parë transkiptet, nuk mund të arrihet në përfundim.
Pjesë nga diskutimi:
Borakaj: Karanxha e nisim sëbashki me çështjen Veliaj, çfarë pritshmërie kishe?
Karanxha: Si rregull i përgjithshëm çështja ishte në GJKKO duhet të mabronte sot, por gjatë seancës doli diçka e re. Prokurorët e SPAK nxorën prova të reja, avokatët kërkuan të njihen me provat që të bëjë oponencën dhe pretendimet e tyre. Nesër presim vendimin e tyre.
Borakaj: Prisje të lirohej Veliaj sot?
Karanxha: Ne kemi folur shumë për këtë çështje, është gjykata që vendos e para. Unë nuk jam dakord me masën arrest me burg, mendimi im personal është që kishte vend për ndonjë masë tjetër. Vetëm kur bëhet fjalë për vepra të rënda aplikohet masa me burg, ndërsa vepra që lidhen me detyrën mund të procedohen masa të tjera sigurimi. Arrestimi me burg vendoset vetëm kur kemi rrezikshmëri dhe vepra dhe autori.
Borakaj: Më the më herët që është praktikë e njohur që prokurorët paraqesin provat e reja. A e kanë gjithmonë As nën mëngë prokurorët që i nxjerrin në Apel.
Karanxha: Vendimi ishte në shkallë të par para një muaji. Pra për një muaj mund të kenë dalë prova të reja.
Borakaj: Nëse ka përgjime ambientiale, a e rëndojnë pozitat?
Karanxha: Varet çfarë pozitash kanë. Pra duhen parë proceverbali i transkiptit.
