Ministria e Shëndetësisë konfirmoi këtë të hënë nëntë viktima dhe 538 raste të reja me koronavirus.
Në 24 orët e fundit janë kryer 1.918 testime, të cilat kanë zbuluar numrin më të madh të të infektuarve kryesisht në Tiranë, Durrës, Lushnje e Vlorë.
Pacientët që kanë humbur jetën janë të moshave 29-84 vjeç, ndërsa janë shëruar 401 qytetarë.
Në 4 spitalet COVID po trajtohen 282 pacientë, 19 në terapi intensive nga të cilët 4 pacientë janë të intubuar.
