Presidenti Ilir Meta ka ururar shkrimtarin Ismail Kadare me rastin e 83 vjetorit të lindjes.
Në një postim në “Facebook”, Meta krahas urimeve, shprehet se kombi shqiptar është me fat që ka një kolos të tillë krijues të përmasave botërore.
“Sot krenaria e letrave dhe e mendimit shqiptar, Ismail Kadare feston 83-vjetorin e lindjes. Kombi shqiptar është me fat që ka një kolos të tillë krijues të përmasave botërore, një personalitet unikal e të papërsëritshëm dhe sinonim të letërsisë shqipe, që e bëri atë të vyer, të vlerësuar dhe të lexuar në 45 gjuhë të ndryshme. Shumë urime, shëndet, jetë të gjatë dhe sa më shumë suksese në krijimtarinë e Tij të ndritur!”
