Tre persona nga Tirana kanë përfunduar në prangat e policisë, pasi u kapën duke transportuar 20 emigrantë të paligjshëm. Gjatë ndjekjes, dy prej tyre nuk iu bindën urdhrit të punonjësve të policisë për të ndaluar.

Në pranga përfunduan K. Sh., 28 vjeç; R. R., 29 vjeç dhe K. B., 27 vjeç.

Ata janë kapur duke transportuar në bashkëpunim me njëri-tjetrin, nga fshati Eçmenik-Devoll, në drejtim të Tiranës, emigrantë të paligjshëm, të cilëve kundrejt fitimit prej 500 euro iu kishin premtuar kalimin drejt vendeve të BE-së.

Transportimi i shtetasve të huaj kryhej, me mjetin tip “Roulotte”, me drejtues shtetasin K. Sh., ndërsa dy shtetasit e tjerë R. R., dhe K. B.,udhëtonin me mjetin tip “Volkswagen Golf”.

Leave a Reply

Your email address will not be published. Required fields are marked *