5 të vdekur dhe 168 raste të reja me COVID këtë të martë në Kosovë

5 pacientë të infektuar me koronavirus ndërruan jetë gjatë 24 orëve të fundit në Kosovë, duke e çuar në 144 numrin e viktimave në total.

Instituti Kombëtar i Shëndetësisë Publike në Kosovë raportuan 168 raste të reja të diagnostikuara pozitive me virus. Në total, numri i të infektuarve ka shkuar në 6.045.

Të prekurit janë nga komuna të ndryshme të Kosovës, nga të cilat me numër më të madh janë regjistruar në Komunën e Prishtinës.

 Sa i përket numrit të të shëruarve, numri i përgjithshëm i të shëruarve deri më tani është gjithsej 3.226, kurse numri i rasteve aktive 2.675.