Sot demokratët e drejtuar nga Sali Berisha votojnë për të përzgjedhur kandidatin me të cilin opozita do të garojë në zgjedhjet e 24 shtatorit për Bashkinë e Kukësit.
Në procesin e primareve marrin pjesë 5 kandidate; Ardian Elezi, Emri Vata, Gëzim Shehu, Uran Cengu dhe Ylber Zeneli.
Kandidati, i cili fiton primaret do të garojë me logon e koalicionit “Bashkë Fitojmë” në 24 shtator përballë kandidatit socialist Albert Halilaj.
Ndërkaq është ende e paqartë çfarë do të bëjë Lulzim Basha, i cili u rikthye si drejtues i Partisë Demokratike në muajin korrik. Vetë Basha ende nuk ka folur nëse do të garojë apo jo në zgjedhjet e 24 shtatorit.
Zgjedhjet për kryetarin e bashkisë së Kukësit zhvillohen, pasi kryebashkiaku socialist Safet Gjici u shkarkua për shkak të publikimit të pamjeve ku ai kryente marrëdhënie seksuale në zyrën e tij.
