E diel, 22 Nëntor 2026 Film TV deri në 23:00 Në vijim ora 23:00: Lajmet e Fundit dhe Moti Reklamo Kontakt Karriera
Vizion Plus
Sport

48 TROFE! Messi vazhdon të mahnisë botën në moshën 39-vjeçare

Lionel Messi vazhdon të shkruajë historinë. Ylli argjentinas ka ngritur një tjetër trofe me Inter Miami, pasi skuadra amerikane mposhti Cruz Azul me rezultatin 2–0 në finalen e Campeones Cup.

Messi ishte protagonist i mbrëmjes. Kapiteni i Inter Miami zhbllokoi takimin në minutën e 24-t, ndërsa në pjesën e dytë asistoi Casemiron, i cili vulosi fitoren e skuadrës nga Florida.

Ky triumf ka një rëndësi të veçantë për 39-vjeçarin, pasi bëhet fjalë për trofeun e 48-të të karrierës së Lionel Messit, sipas numërimit të MLS.

Përveç trofeut, Messi regjistroi edhe një tjetër moment historik: goli ndaj Cruz Azul ishte i 100-ti i tij me fanellën e Inter Miami.

Kështu, koleksioni i trofeve të Messit vazhdon të zgjerohet edhe në Shtetet e Bashkuara, pas sukseseve të tij me Barcelonën, Paris Saint-Germain, kombëtaren e Argjentinës dhe Inter Miamin.

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.