Me rritjen e personave të shtruar në dy spitalet covid, autoritetet janë vënë në lëvizje për të shtuar personelin mjekësor, sidomos tek infeektivi, aty ku dhe fluksi i pacientëve është më i lartë.
OGERTA MANASTIRLIU
MINISTRJA E SHËNDETËSISË DHE MBROJTJES SOCIALE
“Jam shumë e kënqur që të rinjtë i bashkohen stafeve tona mjekësore dhe janë 48 infermierë që së fundmi i janë bashkuar ekipit të QSUT-së dhe pikërisht Spitalit Infektiv. Tashmë sistemit shëndetësor po i shtohet një armatë e re infermierësh, për të mbështetur ekipet tona shëndetësore.
Manastirliu sqaroi se po bëhen përgatitje për tu hapur edhe strukturata tjera spitalore, në rast të rritjes së fluksit.
“Plani vjeshtë-dimër, jo vetëm që na ka orjentuar drejt fuqizimit të kapaciteteve sa i përket infrastrukturës dhe pajisjeve biomjekësore, por tashmë rritja e numrit të stafeve tona infermierore i shërben cilësisë së shërbimit ndaj pacientëve që vuajnë nga COVID19.Jam e kënaqur që kemi mundësinë që jo vetëm të punojmë së bashku me ekipin e ri, por edhe të kemi mundësinë që në një kohë si kjo e sotmja të trajnojmë ekipe të infermierëve, të cilët më pas do të jenë të gatshëm edhe për të përballuar situatën në vjeshtë-dimër, kur mund të kemi dhe hapje të strukturave të tjera spitalore dhe sigurisht t’i paraprijmë me ndërtimin dhe formimin e ekipeve tona të infermierëve dhe paralelisht edhe të mjekëve”
Gjatë 5 muajve të pandemisë, sistemit shëndetësor i janë shtuar rreth 150 punonjës.
