43 persona janë arrestuar nga një operacion i cili është zhvilluar në rajonet e Italisë, Crotone, Cosenza, Parma dhe Milano.
Mes këtyre personave janë edhe disa politikanë kalabrezë.
Ndaj të arrestuarve rëndojnë akuzat për pjesëmarrje në grup kriminal, kërcënime dhe korrupsion.
Sipas të dhënave paraprake fokusi i këtij operacioni janë anëtarët e klanit Ndrangheta.
Në prill të këtij viti, grupi kriminal mafioz pati një tjetër goditje, pas arrestimit të Pasquale Bonavota i cili akuzohet si drejtues i organizatës kriminale më të fuqishme në Itali.
Autoritetet italiane e goditën rëndë klanin kalabrez në janar 2021, në një megaproces ku më shumë se 320 mafiozë dhe bashkëpunëtorët e tyre u përballën me një sërë akuzash, duke përfshirë zhvatje, trafik droge dhe vjedhje.
Gjykata më vonë shpalli fajtorë 70 të pandehur, në atë që konsiderohet si një nga gjyqet më të mëdha kundër mafies në Itali.
