Gazetarja e Vizion Plus, Blerina Cene, ka zbardhur dëshminë e dhënë ditën e sotme në gjykatë Festim Bexhdili, i cili është pyetur për zhdukjen misterioze të Jan Prengës.
Bexhdili ka qenë kopshtar te kompleksi “Golden Resort”, dhe ka dëshmuar se çfarë ka ndodhur ditën e zhdukjen së Jan Prengës.
Ai tha se katër persona të armatosuru i kanë kërkuar ujë, ndërsa i kanë thënë se dikush kishte vdekur.
Ndërsa shtoi se edhe pse personat ishin pa maska nuk ka mundur të fiksojë asnjë fytyrë, pasi ka qenë shumë i frikësuar pasi ka parë një person të vdekur, por dhe armë para syve.
Ai tha se pasi kishin lëvizur trupin nga makina në makinë, aty kishte mbërritur Altin hajri, duke ju kërkuar personave të armatosur që të largohehsin menjëherë.
Kujtojmë q aktualisht për zhdukjen e Jan prengës po zhvillohet proces gjyqësor ndaj Dritan Rexhepit, Gentian Doçit Funiqit.
Dëshmia e plotë e Bexhdilit:
Isha duke pastruar pishinën, kur erdhi një Range Rover i bardhë dhe u fut tek garazhi. Shkova t’i pyesja. Ishin 4 veta të armatosur. Nuk i njihja. Më kërkuan ujë dhe ju dërgova. Isha i frikësuar. Më thanë “ka vekur njëri”. Më thanë ta kalojmë nga makina në makinë. Isha shumë i trembur, nga armët e tyre edhe se pashë një të vdekur. E kaluam nga Rangr në një Fiat Doblo, që e përdornim për furnizimet në kompleks. E zhvendosëm trupin.
Fytyrat i kishin zbuluar, por nuk i kujtoj. Njëri kishte tatuazhe. Pastaj më kërkuan edhe një kazmë e një lopatë. Nga gjuha mu dukën si nga veriu.
Aty erdhi pastaj Altin Hajri. Ai i shau dhe ju tha “c’doni këtu, po na merrni në qafë”. Ju kërkoi të ikin shpejt.
Nuk e di c’bëri Altini pastaj.
Nuk e di për çfarë i deshën kazmën e lopatën. J’ua dhashë dhe ata i futën në makinë. Pasi ata ikën unë shkova në shtëpi në Kavajë.
