Në prangat e Policisë së Durrësit ra një 51-vjeçar që jeton në Belgjikë. Shtetasi me inicialet S. N. u kap duke transportuar katër kosovarë me një furgon.
Ai do t’i ndihmonte kosovarët të kalonin kufirin në mënyrë të paligjshme. Kalimi do të bëhej përmes Pikës Kufitare të Portit të Durrësit dhe në këmbim 51-vjeçari do të merrte një shumë parash.
Kosovarët do të përdornin dokumente të ngjashme me të disa shtetasve të tjerë për të kaluar pa problem. Por plani i tyre u prish pas kontrollit të ushtruar nga policia.
