35 vjeçari rreh keq gruan në sy të fëmijëve, i riu aksidenton 8 vjeçaren, disa të arrestuar në Tiranë

Katër persona janë arrestuar orët e fundit nga policia e Tiranës për vepra të ndryshme penale.

Efektivet e Komisariatit të Policisë Nr. 6 arrestuan në flagrancë shtetasin A. Ç., 35 vjeç, pasi në rrugën “Tre Dëshmorët”, në prezencë të fëmijëve të mitur, ka ushtruar dhunë fizike ndaj bashkëshortes së tij, në banesë.

Ndërkohë në pranga përfundoi edhe O. P., 29 vjeç, pasi në rrugën “Bulevardi Migjeni”, ka aksidentuar këmbësoren e mitur me iniciale E. S, 8 vjeçe, e cila ndodhet në spital, nën kujdesin e mjekëve

Forcat e  Komisariatit Nr. 4 bënë arrestimin në flagrancë të shtetasit E. B., 41 vjeç, pasi në rrugën “Muhamet Deliu”, në lokalin në pronësi të tij, zhvillonte aktivitetin e paligjshëm të lojërave të fatit.

Ndërsa shtetasi A. D., 52 vjeç, u kap pasi ka thyer masën e sigurisë “Arrest në shtëpi” duke dalë jashtë banesës.