Shoferi I kamionit horror në Angli ku vdiqen 39 emigrante akuzohet për vrasjen me dashje të 39 personave.
Lajmi është bërë publik nga policia britanike pas hetimeve të kryera mbi kamionin frigorifer që u gjet ne një park industrial në Essex pak ditë më parë.
Maurice Robinson 25 vjec u arrestua pas zbulimit të kësaj tragjedia shokuese. Përvec 39 akuzave për vrasje me dashje, Robinson akuzohet gjithashtu edhe për trafik qeniesh njerezore dhe pastrim parash.
Mbi ngjarjen horror ndërkohe kanë nisur të dalin detaje të reja.
Ndonëse nuk është bërë identifikimi I plotë I viktimave, të paktën njëra prej tyre më gjase do të jetë 26 vjecarja nga Vietnami Pham Thi Tra My. Në mesazhin e fundit derguar familjes ajo shkruante: “Mama, të dua, jam duke vdekur”.
Sipas hetimeve të para dhe zbulimeve që kanë bërë mediat në Vietman, Pham është nisur nga një fshat I këtij vendi të varfer aziatik drejt ëndërrës britanike.
Prindërit e saj që fitojnë në fshat jo më shumë se 400 dolarrë në muaj duke punuar të dy bashkë, thanë se kishin bërë sakrifica të mëdha për ti siguruar vajzes një të ardhme më të mirë.
Vajza e tyre kishte paguar 34 mijë europër të lëvizur nga Vietnami, drejt Kinës, Francës, Belgjikes dhe pastaj për në Angli. 34 mijë euro për të vdekur I ngrire në kampion, një tmerr I vërtete.
Ndërkohe edhe një tjetër prind nga Vietnami dyshon se djali I vet ka qënë në atë kamion pasi ka ditë që nuk merr lajme nga I biri. Bëhet fjalë për Nguyen Dinh Luong, 20 vjec, gjë e cila mbetet ende për tu konfirmuar.
