Tajfuni “Lan” shkaktoi 3 të vdekur e disa të plagosur në brigjet jugore të Japonisë. Erërat e fuqishme deri 165 km/h dhe shirat e dendur, kanë shkaktuar përmbytje masive dhe rrëshqitje të tokës. Sipas ekspertëve, “lan” po lëviz me shpejtësi drejt verilindjes si një stuhi e kategorisë së dytë.
Mbi 2.2 milionë familje po përgatiten për evakuim. Mediat lokale flasin për qindra shtëpi të përmbytura nga uji. Të hënën, 350 fluturime u anuluan prej stuhisë, ndërsa një ditë më parë ishin pezulluar dhe 500 të tjera. Raporte edhe për trena pasagjerësh të bllokuar gjatë natës, për shkak të ndërprerjeve të energjisë elektrike.
