Dy pacientë të prekur nga koronavirusi nderruan jetë këtë të hënë në Kosovë, duke e çuar në tre numrin e viktimave. Një burrë 59 vjeç nga Prishtina, i cili vuante nga diabeti dhe një grua 70-vjeçe nga Prizreni, e cila vuante po nga diabeti dhe hipertensioni nuk mundën ta fitojnë betejën me Covid-19. Në Kosovë, deri më tani janë konfirmuar 145 raste me koronavirus, përfshirë këtu edhe 23 pacientët, të cilët janë shëruar.
Në klinikën Infektive të Prishtinë janë shtruar gjithsej 47 pacientë pesë prej të cilëve në terapi intensive. Ndërsa dy pacientë janë të intubuar dhe ndodhen në gjendje kritike.
Serbia po hyn në muajin e dytë të pandemisë me 1,908 pacientë dhe 51 viktima Ndalimi i lëvizjes së qytetarëve, më i gjati deri më tani, i cili ka qenë në fuqi që nga e shtuna në orën 13:00, përfundoi këtë mëngjes në orën 5.00.
Gjatë ditëve të tjëra të javës, lëvizja do të kufizohet nga ora 5:00 e mëngjesit deri në orën 5:00 pasdite, dhe lejohet vetëm për ata qytetarë, që kanë autorizim nga autoritetet. Greqia regjistron 1,735 te infektuar dhe 73 vdekje në total, nderkaq Maqedonia e Veriut numeron 555 raste dhe 18 viktima.
