Situata në Spitalin Infektiv, i vetmi i dedikuar për pacientët me koronavirus momentalisht, duket se është e qëndrueshme.
Aty po marrin trajtim 28 pacientë dhe duhet thënë se ka një rënie nga një ditë më parë kur ishin 31.
Mes tyre, tre janë në terapi intensive, ndërsa një i intubuar, pra në gjendje më të rënduar.
Nga ana tjetër, ka një shtim të të shëruarve. Gjatë 24 orëve të fundit kanë mposhtur COVID-19 pesë pacientë, duke e çuar numrin total në 877.
