Policia e kryeqytetit në bashkëpunim me prokurorinë kanë arrestuar tre persona të cilët dyshohet se janë përfshirë në vdekjen e 35 vjecarit Arben Gjeci.
Kjo ngjarje fillimisht ishte raportuar si vdekje aksidentale por në fakt nga hetimet e para dyshohet se kemi të bëjmë me një vrasje.
Dyshohet se shtetasi me iniciale E.C e ka goditur në kokë me sende të forta viktimen Arben Gjeci. Plaget e shkaktuara nga goditjet me mjete të forta I kanë shkaktuar vdekjen Arben Gjecit, I cili u gjet I pajete një ditë më pas, pra më 25 janar.
Ndërkohe policia në banesën e një prej tre personave të arrestuar gjatë kontrolleve ka gjetur edhe nje sasi lënde narkotike.
Pervec shtetasit E.C 31 vjec i cili akuzohet per plagosje te rende me pasoje vdekjen, janë vënë në pranga edhe shtetasi D.K 29 vjeç si dhe shtetesja E.C 20 vjece.
Ndonese nuk konfirmohet, ka dyshime të forta se kemi të bëjmë me një krim pasioni, pasi viktima mund të ketë patur një lidhje ose ngacmohej nga viktima Arben Gjeci, cka është zbuluar nga bashkëshorti i saj, 32 vjecari E.C.
Informacioni i policisë:
Pas një pune intensive dhe të pandërprerë 48 orëshe, Policia e Tiranës në bashkëpunim me Prokurorinë e Rrethit Gjyqësor Tiranë ka zbardhur rrethanat dhe arrestuar 3 persona, për një ngjarje të raportuar në nisje si një vdekje aksidentale.
Dyshohet se shtetasi E.C., më datë 24 janar 2019, rreth orës 20:30, në fshatin Bastar i Mesëm ka goditur me sende të forta në kokë shtetasin A.Gj., 34 vjeç, duke i shkatuar dëmtime të rënda në kokë. Për pasojë i riu humbi jetën në Spitalin e Traumës.
Ngjarja u raportua si aksidentale. Por hetimet provuan të kundërtën. Në polici u shoqëruan disa shtetas dhe u kryen disa veprime komplekse hetimore në konfidencialitet të plotë.
Në vijim të këtyre veprimeve, dyshohet se shtetasit D. K., dhe E. C., me veprimet dhe mos veprimet e tyre kanë fshehur të vërtetën e ngjarjes së ndodhur. Gjithashtu nga kontrolli i ushtruar në banesë u gjet edhe një sasi lënde e dyshuar kanabisi.
Shërbimet e Policisë Tiranë bënë arrestimin e shtetasve:
– E.C., 31 vjeç, për veprën penale “Plagosje e rëndë me dashje me pasojë vdekjen”;
– D.K., 29 vjeç, për veprën penale “Veprime që pengojnë zbulimin e së vërtetës” dhe “Prodhim dhe shitje të lëndëve narkotike”;
– E.C., 20 vjeçe, për veprën penale “Veprime që pengojnë zbulimin e së vërtetës”.
Për shkak të hetimeve nuk mund të jepen detaje të tjera, ndërkohë materialet i kaluan për veprime të mëtejshme Prokurorisë së Rrethit Gjyqësor Tiranë.
