Opozita joparlamentare bën apel për mbylljen sa më shpejt të reforma zgjedhore.
Kërkesa u bë nga përfaqësuesit e opozitës në mbledhjen e Këshillit Politik, Oerd Bykykbashi i Partisë Demokratike dhe Petrit Vasili i Lëvizjes Socialiste për Integrim.
Bylykbashi dhe Vasili deklaruan se reforma duhet të rinisë me propozimet e opozitës të lëna pa përgjigje nga qeveria.
Në një njoftim të shpërndare për mediat nga selia blu, u ribënë të ditura edhe 3 kërkesat e opozitës:
1. Reforma të mos vonohet më tej, por të mbarojë deri në 31 maj.
2. Në këtë funksion, takimet mes palëve duhet të rikthehen në formatin e tryezës ballë për ballë, jo përmes komunikimit online.
3. Puna e Këshillit Politik të rinisë me çështjet e propozuara nga opozita, në mënyrë që pala tjetër të mbajë një qendrim për të gjitha propozimet e lëna pa përgjigje deri tani.
Së fundmi edhe bashkëkryetari I reformes zgjedhore, Damian Gjiknuri nëpërmjet një interviste për Vizion Plus rikonfirmoi vullnetin e mazhorancës për të dëgjuar dhe diskutuar mbi propozimet dhe kërkesën e opozitës në mënyrë që “zgjedhorja” të permbyllet sa me shpejt.
