Këtë të hënë në Shqipëri janë regjistruar 292 raste të reja me koronavirus dhe katër viktima.
Në përditësimin e shifrave, Ministria e Shëndetësisë bëri me dije për mediat se në 24 orët e fundit janë kryer 2.343 testime.
Ndërsa pacientët që kanë humbur jetën janë mes moshave 39-66 vjeç. Nga ana tjetër, betejën me sëmundjen e fituan 417 qytetarë.
Aktualisht në 4 spitalet COVID, po trajtohen 282 pacientë, 25 në terapi intensive nga të cilët 6 pacientë janë të intubuar.
