Policia e Vlorës ka arrestuar një 25-vjeçar, i cili për motive të dobëta sulmoi fizikisht një të moshuar.
Më datë 22 prill, në lagjen “29 Nëntori”, Vlorë, i riu, dyshohet për motive të dobëta, ka sulmuar fizikisht shtetasin J. K., 70 vjeç, banues në këtë lagje.
Në pranga ra shtetasi B. D., 25 vjeç, banues në lagjen “Lef Sallata”, Vlorë.
Gjatë kontrollit fizik të ushtruar në momentin e ndalimit, këtij shtetasi iu gjet një përforcues metalik grushti me thikë.
Më pas, gjatë kontrollit në banesën e tij, u gjetën dhe u sekuestruan në cilësinë e provës materiale edhe dy përforcues të tjerë grushti, një biçak dhe një pajisje elektroshoku./vizionplus.tv
