24 vjeçari aksidenton për vdekje këmbësoren

Një aksident i rëndë është regjistruar mesditën e kësaj të mërkure në Durrës.

Rreth orës 12:30, në vendin e quajtur  “ish- këneta’, mjeti tip “Ford”, me drejtues shtetasin H.K., 24 vjeç, ka aksidentuar një këmbësoren.

Shtetasja e aksidentuar me iniciale Sh.V., ka ndërruar jetë gjatë transportimit për në spital.

Drejtuesi i mjetit është shoqëruar në ambjentet e Policisë deri në zbardhjen e ngjarjes.