Stamboll, 5 të vdekur nga rrëzimi i një helikopteri

Një helikopter është rrëzuar ditën e sotme në Buyukcekmece të Stambollit, duke u marrë jetën të paktën pesë personave.  Lajmi bëhet i ditur nga agjencia shtetërore e lajmeve “Anadolu Agency”, e cila thotë se helikopteri u rrëzua rreth orës 11:30 me orën lokale (9:30 me orën shqiptare).  Helikopteri  “Sikorsky S-76” ishte i kompanisë private “Eczacibasi holding”.  Shkaqet e aksidentit nuk dihen ende por dëshmitarët okularë thonë se ka pasur mjegull të dendur.